اذکارِ مسنونہ نبی کریم ﷺ کی عظیم سنت ہیں، جن کے ذریعے انسان حفاظت، رحمت، مغفرت اور قلبی اطمینان حاصل کرتا ہے۔ ایک مسلمان کے لیے ضروری ہے کہ وہ اپنے دن اور رات کو اللہ کے ذکر سے آباد رکھے، تاکہ دنیا اور آخرت دونوں میں کامیابی حاصل کر سکے۔

آج ہم میں سے بہت سے لوگ اذکار کی اہمیت تو جانتے ہیں، لیکن یا تو انہیں یاد نہیں کر پاتے یا مستقل مزاجی برقرار نہیں رکھ پاتے۔ اسی لیے یہ کورس صرف یاد کرنے تک محدود نہیں بلکہ اذکار کو اپنی زندگی کا حصہ بنانے کی ایک خوبصورت کوشش ہے۔ 

اس کورس میں ہم صبح، شام، رات اور نماز کے بعد کے مسنون اذکار نہ صرف یاد کریں گے بلکہ ان کے معانی، اہمیت اور روزمرہ زندگی میں ان پر عمل کرنے کا طریقہ بھی سیکھیں گے، تاکہ ذکر ہماری زندگی کا مستقل حصہ بن جائے، محض الفاظ نہ رہیں۔